لكم وحشه والدمعه على الشنب تهون لعيون الغوالي << لاتصدقونه ماطق لكم خبر
:
تصدقون امس اكتشفت ان بنت جارنا تدخل النت ..!!
عاد انا خاقن معها رايحن معها مريييس
اللي صار قبل كم يوم
اني مريت من عند الصاله لابس مقوصر وفنيله علاقي
المقوصر = مايووه << افلقني ياشيخ
المهم واسمع صوت امي تسولف مع جارتنا ام مساعد وانا اوقف اتسمع شوي ولا يطلع ذاك الصوت
اللي يشق الاذن شق مو صوت همس انا ضاعت علومي وعرفت انها ساره بنت جارنا
وانا اللي الصق اذني على الباب اللي قاهرني اخبر فيه شق با الباب بس مدري منهو اللي ساده بعلك مصتكا
علك مصتكا = علك عجايز --- العلك هذا يبي لك تدكووه با الارض الين يلين وبعدين تاكلووه
المهم قلت يله مو مشكله على رئي الفنانه اريام صوتك يكفيني بلا شوف
واسمع امي تسولف فيني تقول ولدي بس مقابل الكمبووووتر البنت فاهمه قالت يدخل النت
ولا يتعلم برامج قالت امي :: يوووه ياويلي ويلاه ماهو فيد تعليم دروسه مجدعهن بكل مكان
يلعب ويسولف مع حريم << جابت العيد امي
قالت سارونه < قاط الميانه يدلعها بعد : قالت طيب يدخل شات ولا منتدى ..
امي فهمت غلط قالت لا مايعرف للشياه ولا عمره راح للغنم مع ابوه
انا طقيت برجلي ع الارض من القهر ليش ياربي امي ماتعرف تقرا ولا كان قالت لها نكي
والشات اللي ادخله
قالت امي انتي عسى ماتلعبين با الكمبوووتر مثله
قلت حلو اللحين تبي تقول هي وين تدخل
قالت انا اروح لمنتديات ولا يوم قلبي بدا يخفق وصار زي افلام كرتون يطلع ويرجع
قالت امي شلون يعني لعب وخربطه قالت لا ماهي بلعب هذي مواقع ندخلها
وكل واحد يكتب الشي اللي يعرف وكل واحد يكتب بمجاله ونستفيد من بعض
مثل ولدك اكيد يحب شي وله مجال يبدع فيه وانا لي مجالي
امي بها الوقت طلع فوق راسها علامة استفهام كبيره
قالت ياعين حيي ياويليدي وانا احسبنه يلعب اثريه يستفيد << ماتدري اني اهايط بكل شات خخخخخخخخخ
با الوقت هذ1 يمرون اخواني بسرعة ميه وثمانين كيلو با الساعه مثل العاده
واحد معه زنوبه والثاني منحااش من يوم عرفت اخواني وهم طايرين بالعجه
حتى اني صرت ما اعرف ملامح وجيههم
قالت امي ياورعان فضحتونا ياملا العمى .. وانقطعت سالفة النت
ولا عرفت اي منتدى تدخل
المهم بعدها بيوم رحت للخباز المغرب مثل العاده اشتري خبز تميس وجبن كيري
انا واقف عند الخباز بوسط زحمة الهنوود والبنقاليه ولا اسمع ذاك الصوت
اللي يقول محمد جيب بريالين خبز تميس
عرفت انها ساره وانا اذوب وانا اللي اطمر الدور واصير اول واحد والقى هندي جايه الدور
قلت له تبيع مكانك بخمسه ريال قالي يبغى سبعه ريال مافيه مشكله
ينعن ابليسه استغلالي الهندي تعلم من ربعنا .. المهم اعطيته السبعه ريال ورجع ورا ..
قلت محمد معلووم منتدى وعـود قال اس فيه
قلت انا موجود هناك منتدى وعـود اسبلنغ ( دبل يو إيه أو دي ) قال خبز سمسم مافيه
قلت هات الخبز الشرهه مو عليك الشرهه على اللي يرقم عندك اهم شي هي سمعتني
واسمعها تضحك قلت بس فهمتها
وانا اخذ خبز بريالين واروح لمها طبعآ الواحد لازم يصير ذوق عيب البنت تاقف عند الخباز
عاد كنت لابس فروه ولابس تحتها ملابس النصر ولابس طاقيه هذي الموضه بحارتنا
وطيت على طرف الفرووه وانا اجي على وجهي ماحسيت بنفسي الا وانا عند رجليها حتى لابسه
زنوبات سوود عليهن صورة فراشه والخبز طاح ومعي ببسي انتثر على هدومي وعلى رجلها
من الفشيله عجزت اقوم سويت نفسي منصررع خخخخخخخخخخخخخخخخ
قام الخباز وعطاها خبز ثاني وراحت لبيتهم وانا يرشون علي الهنود ماء الين راحت وانا اصحي
المهم كانها هنا امانه تقولون لها ترا والله طحت غصبن علي
واحب اقولها اني احبك حتى الموووت < لو مالقاها ترا بينتحر
روميو ماهو احسن مني يومه ينتحر عشان جولييت
ههههههههههههههههخخخخهخخخ
تشاااااااااااااااااااااااااااااااااااااااااااااااااااااااااااااوواوووو^^^^^^ على قولت زوزو^^_
